V Marcha ciclista do concello de Narón

O venres 25 de maio os nosos nenos e nenas entre 3º e 6º de Primaria participaron na V marcha ciclista organizada polo concello de Narón. Ademáis este ano participou tamén o gañador do Tour de Francia 2006, Oscar Pereiro.
Ao final da marcha houbo un sorteo e entrega de bicicletas no Paseo Marítimo de Xuvia, e o gañador no noso cole foi Pablo Romero. Parabéns Pablo e a pedalear un montón!

VITAMINAS PARA O GALEGO

 Os nosos alumnos e alumnas, dende 3 anos ata 4º da ESO, colaboraron no proxecto "Vitaminas para o galego" lendo un manifesto para impulsar o emprego da lingua galega nos medios de comunicación, xa que son estes os que poden prestixiar e difunder a nosa fala. A actividade realizouse no marco do Día das Letras Galegas.

SEMENTANDO EN PRIMAVERA

     
  En primavera, os nenos/as de educación infantil touxeron da suas casas unhas sementes para realizar unha sementeira.

Felicidades Rut !

  O  16 de maio a nosa compañeira e profe de Audición e Linguaxe Rut Lesta foi mamá. Tivo un neno tan bonitiño como é ela que se chama Ángel.
  Agora só queda crialo con saúde, como din as avoas e desfrutar moito del.
   Moitos bicos papás e noraboa!

Valentín Paz Andrade

 Hoxe é un día de lecer en Galicia, os nenos están na casa e moitos de nós non traballamos. É o día das Letras Galegas e este ano o homenaxeado é Valentín Paz Andrade.
 Valentín Paz-Andrade nace o 23 de abril de 1898 en Lérez (Pontevedra) e morre en Vigo, o 19 de maio de 1989. Home de profundas conviccións galeguistas espallou o seu pensamento nos ámbitos da avogacía, da empresa, do xornalismo, da política e da literatura.
 Dentro da literatura iníciase no eido da narrativa cunha obra que non chegou a publicar datada de 1921, Soldado da morte. Formou parte da Xeración poética de 1925 e deixounos títulos como Pranto Matricial (1954), Sementeira do Vento (1968) ou Cen chaves de Sombra (1979).
 Aquí vos deixo unha presentación do poema "Cando ti volvas".
 Desfrutade do día e lede moito en galego!

Parabéns mamás!

 Hoxe é o día da nai, inventouno Julia Ward Howe en 1870 como un día de unión das nais pola paz, logo seguiu celebrándose para recoñecer o papel da nai na familia ata a data actual. Agora algúns veno coma unha data comercial sen máis pero non ten porque ser así.
Non son os mellores agasallos aqueles máis caros ou os mercados nos centros comerciais, os mellores son os que se fan coas nosas mans; aínda que non nos identifiquemos no debuxo se o noso fillo dinos que esa bola da que saen 4 raias é mamá, abofé que é o mellor retrato que recibimos!
No cole coñecemos os cambios que as familias sufriron, así que o día da nai plantéxase como o día para agasallar a esa muller especial que nos coida e quere, pode ser mamá , a avoa, a tía... o importante é que os nenos fagan algo con todo o seu cariño e que hoxe entreguen ese paquetiño
e a cambio reciban unha grande aperta e un bico.
Así que o desexo é claro:

Concurso de debuxo ecolóxico

Temos que confesar que o noso cole  está  cheo de artistas!

O pasado xoves unha alumna do noso centro ( Ainoha Cobelo Domingo, 2º de primaria) foi galardoada co primeiro premio  no XVI concurso de debuxo ecolóxico, organizado pola cadena COPE.

Parabéns Ainoha, eres toda unha artista!